一睇《尚氣》，就知道我最理想嘅《真三國無雙》電影版應該係咁：成條故事主線就係講一個大眾臉據點兵長最終打贏呂布嘅勵志故事；當然大眾臉據點兵長就要配番個大眾臉女武將做情侶，所以女主角奇貌不揚非常合理，而雖然貂嬋死咗，但都有大量回憶畫面補番數，當然仲有個樣衰版孫尚香襯托下；
然後劇情唔拘泥於乜嘢歷史真確性，又獅子又飛龍又上天又落水打到熱熱鬧鬧就OK，最重要就係，要打贏呂布當然唔係靠苦練，而係點可以少咗件LV5秘藏武器呢？
唯二我覺得最唔滿意嘅就係，首先拎撚咗咁多錢搞特技，最尾場劈友竟然只係得幾十友隻揪，寒唔寒酸啲？一騎當千係基本要求啦！其次就係，成套戲我唯一認得嘅黑人演員竟然得個巴士司機？說好的種族平權去了那？Black Lives Matter！
Search